الشيلة أحد أنواع الحداء وهو التغني بالشعر، وتختلف الشيلة عن الموال والغناء ويقتصر غناؤها على الخليج العربي، لكنها تجذب مسامع مجتمعات عربية أخرى خارج الخليج، حيث تنتشر لدى الأوساط الريفية في بلاد الشام .

شيلة راح ورحل مكتوبة

راح ورحل راح ورحل
وفي رجعته مالي امل
الحزن في وجهي اكتمل
رحمتك به يامن خذيته
من راح عني وانا كني
الهم كله ممتحني
ما غير أجر صوتي واغني
ولي سمع صوتي بليته
الي فقد شخص غالي
لابد ما يسهر له ليالي
مثلي انا كم ليل لحالي
ابكي عليه لأمن طريته
الموت حق وشي أساسي
والكل داري بس ناسي
لاكن انا يا قوم باسي
صابر على الي قد رديته
ما تحمل كل الاذا
راضي بحكم الله رضا
اصلن ترا الدنيا كذا
تاخذ منهم قد بغيته
الله على الدنيا كبير
والله على جرحي بصير
والأجر عند الله كثير
يلطف بحالي لارجيته
ما يخيب الله شخص قال
الحمد له في كل حال
يأتي الفرج والهم زال
ربك رحيم لأمن دعيته
فرقى العضيد اللي فقدته
ما يوصفه دمع سكبته
ولا القصيد لل كتبته
يا ليت يرجعلي يا ليته .

شيلات رائعة

شيلة وش القصة

هبت هبوب الفراق وناحت الورقا
وليل الجفا طق باب القلب واختصه
خلا عيوني من دموع الحزن غرقا
وخلا علومي علوم وقصتي قصه
والقلب طيرٍ رقا في نايف المرقا
ما كل من جا يقص جناحه يقصه
الا الهنوف العيوف الجادل الطرقا
اللي تشوف الغضب فيني وتمتصه
ينزل لها من غلاها عنده ويرقا
ويفرد جناحه لها ويضيع الرصه
حبيبتي لاضحك وجه السما الزرقا
اشوف وجهك شبيه الغيم في نصه
من عبرة الخاطر اللي تنزل وترقا
الليل مرسى مشاعر والعتب غصه
اسبوع وانتي سواليفك عن الفرقا
حنا بنترك بعض ولا وش القصه .

شيلة انتم تشوفونا

انتم تشوفونا بضيم وساكتين
واسكت وانا اسكت لاش علم ولا خبر
هذي سنة واصبر علينا وسنتين
واصبر علينا يوم واسبوع وشهر
ليا نخيناكم ترانا ضايقين
والله فلا جيناك باليوم العثر
ماعاد باقي عندنا غير اليقين
وسلوم أهلنا والكرامة والشعر
أما الصبر واحلامنا راحن طحين
صبر محرم سارقينه من صفر
راحٍ على كذب المنافق والذهين
اللي فعل واللي ترك واللي دمر
اللي ليا جيته بسط لك باليمين
شمس الضحى وبكف يسرى كالقمر
عدك على الهداج ولا الرافدين
وان صملت على عد الحفر
واليوم لو يصعب علي بوح الكنين
يحدنا للمر شيء منه أمر .
وأخيرك يا طير سلوى حاجتين
أما السنع ولا تسلفنا صبر
صابتني التخمة من العذر السمين
ماعاد في جوفي مكانٍ للعذر
صرنا من أحداث الليالي ملكعين
ولا اول أجواد نجامل ونعذر
شرهين لكن نقتنع في كلمتين
ونصدق أن القدر يبقى بالصدر
الله يعين ايه ادري الله يعين
والله لا يتكلنا على زيد وعمر
حنا على رب البشر متوكلين
والسعي في أرض الله على كل البشر
ونورد الشرهات صوب الغانمين
اللي سمعنا عن علومه ونخبر
خطو ابلجن جربوها الطيبين
لا مرة ولا مرتين ولا عشر
وليا تبين موقفٍ قاسي يبين
وياخذ شهاده حسن تدبير وشكر
نجي على الهقوات صوب الشامخين
اللي يعرفون الشموخ من الكبر
من الحيا والمرجله متجملين
ونفوسهم وبيوتهم ماهي قفر
يمديك عن وصف السنا في شارتين
عقب نباه اللي مثل قطف الزهر .
لو راحت التندى يبي يندى الجبين
عن قولة عن واجب العاني قصر
أخذ على نفسي قبل وصله يمين
قدره يزود ولا ينقص لي قدر .

شيلة همس النسيم

بالله ياهمس النسيم
لاتنقض الجرح القديم
مشتاق والله العظيم
والشوق ماهو في يدي
مشتاق اشوفك ياغلا
مشتاق كلمة ياهلا
البعد لا لا والف لا
والله ياهو القرب شي
اسرفت بالبعد ونسيت
واحرمتني حتى المبيت
ياليت تذكرني ياليت
واطري على بالك شوي
اخذت تفكيري معك
ودروبي اللي تتبعك
يا جرح محدن يسمعك
لا صحت فالقلب الخلي
حيرة مسافات وعنا
لا ضاقت دروب الهنا
بالله وش ذنبي انا
أرضيك وازعلني علي
اصيح لك رد الندا
لا تفرح قلوب العدا
ماضاع من عمري فدا
انت العمر مني وفيك
ياسيد البسمه ابيك
اشواق تاخذني اليك
وان طال ليلي ماعليك
يكفيني من الليل ضي
اهواك وان جار الزمن
اطلب امرني وتمن
مافيه للغالي ثمن
ياعيوني الثنتين ذي
الله عطاك من الجمال
والحسن وفنون الدلال
ياسيدي تكفى تعال
ماضاع منك ضاع لي
نسيت يومنا سوا
نلعب مع انسام الهوا
محدن من الحب انكوا
وقت مانلقاله حلي
شفني مع غيوم السما
اشرب على الريق الظما
تعال ياعذب اللما
ننسى المتاعب ونعدي
واليوم ياقلبي الحزين
من عقب هذيك السنين
ثاروا علينا الحاسدين
حطو على الجرح الندي
عود ترى مالي سواك
مالي ملاذ الا هواك
لو تبتعد خذني معاك
لا تترك القلب الشقي .

شيلة اسف

يانفسي اللي من الغالين مخذوله
اسف على كل جرحٍ جاك من غالي
منتي بعلى كل ما سويت مسؤوله
أنا الولي والولا للواحد الوالي
طاوعت قلبي وقلبي راح برجوله
والقلب لاحب ما يفكر ولا يبالي
عز الله أني كسبت أثمك ومنهوله
لواحدن مادرى عن وضعي الحالي
مشغول في ناس ماهي فيّ مشغوله
مدري متى تنشغل فيني وتفضى لي
حرصي عليهم مثل حرصي على الدوله
اللي بوصي عليها بكره عيالي
كبدي من الحب والاحباب مدبوله
لا واهني الفؤاد الداله السالي
وشهوله أكتب بيوت الشعر وشهوله
واقول ياوجد روحي ويابري حالي
عليك ياللي عليك الروح مجبوله
يامذوقن قلبي من المر والحالي
ما دام منته بحولي ولا أنته بحوله
غير الجماهير تسمعني وتقرا لي
معقوله ما جابتك لشواق معقوله
الظاهر أنك محصل واحد بدالي
ترى جميع القصايد فيك مقيوله
ولولا محبتك ما جريت موالي
كفي من مصافح الباقين مغسوله
مالي نظر في محبة جيلنا التالي
القلب مافيه غيرك يفتح قفوله
من يوم مارحت وهو مثل الخلا الخالي
اخذ الكلام الصحيح اللي على أصوله
ان كان ماجابك الله بقعد لحالي .