تضم الكويت عدد كبير من الشعراء و الأدباء المتميزين ، و هؤلاء الشعراء منهم من يشتهر بالأشعار و القصائد المكتوبة باللغة العربية الفصحى ، و منها من يشتهر بتلك التي تعرف بالعامية.
ثامر شبيب
الشاعر ثامر شبيب هو أحد اشهر الشعراء والادباء الكويتيين ، هذا الشاعر الذي تمكن من كتابة العديد من الأعمال الفنية الرائعة ، و قد كان من بين الأعمال الفنية التي عمل على تقديمها عدد من القصائد المميزة ، و التي تم تحويلها إلى أغاني ، و من هنا زاع صيت هذا الشاعر المتميز ، و من بين القصائد التي قام بكتابتها قصيدة هذي حياتك و انت حر بحياتك ، و قصيدة غلطة الشاطر و غيرها العديد من القصائد الأخرى.
قصائد ثامر شبيب
هذي حياتك..وأنت حر بحياتك
لحظة قبل لا تطلب البعد وتغيب وتنهي معاية مرحلة من حياتك
أخذ الهدايا والصور والمكاتيب دامي خسرتك ما أبي ذكرياتك
يمكن يكون فراقنا رأيٍ مصيب خيره .. كتبها الله جتني وجاتك
رح واترك بقلبي لك أربع معازيب معزتك طاريك حبك غلاتك
وإن شفتني أجمع شتاتي .. ماهو عيب باكر مع الأيام تجمع شتاتك
وإن شفتني شايل جروحٍ معاطيب باكر يصير الجرح أبرز صفاتك
أكبر مصيبه في زمان العذاريب إنّي أحبك وأنت حبك لذاتك
الطيب لو إنك تجازيه بالطيب ماكان تالي الوقت هذي سواتك
يا صاحبي لا صرت أغلا الأصاحيب لا تزعل بكيفك وتطلب رضاتك
أنا حبيبك مبعد الشوح مانيب من صيّع جهاته .. يدور جهاتك
إن كان ماعديت روس المراقيب ماني كفو أصلاً أنام في عباتك
شفني مقدر عند عكف الأشانيب مانيب من تومي عليه بعصاتك
رح للفراق إللي تركنا مصاويب شمّت اعداتي قبل تشمّت أعداتك
الله معك .. رح وين ماودك تغيب هذي حياتك .. وأنت حر بحياتك
كن حبك ضيف..والقلب ..ابدوي!
ما علي إخلاف . . أقول اللي أبيه من فضل ربي علي إني قوي
إلا حبك شي ما أقدر عليه كن حبك ضيف . . والقلب ابدوي
أنت بس اللي أبيه . . ولا أجيه عنك حظي لاوي ذراعي لوي
صرت لي مشوار لاجيت ابتديه إن لقيت الدرب . . ضيعت الخوي
وين رااايح؟؟ جعل هالزول افتديه وأنت خااابرني من البعد انكوي
رد . . يا منهو حياتي في يديه لا تخليني وأنا لك مهتوي
إن خسرتك وين أبلقى لك شبيه؟ وأنت من كل شي نااادر تحتوي
أنت حتى الجرح منك اشتهيه من غلاك . . اضم عذابك وارتوي
أنت لا سولفت ما كني هنيه التزمت الصمت .. كني منطوي
ليه أسولف لك . . وهي من غير ليه؟ تعرف إنك تطوي أحزاني طوي
أنت حبك شي ما أقدر عليه كن حبك ضيف . . والقلب . . ابدوي!
غلطة الشاطر
الغيمه اللي تجيب الظل والماطر ظلت علي الدروب وشح ماطرها
ضحيت واجد على شانك وانا ناطر الفرصه اللي ثلاث سنين ناطرها
اليا متى ماتسيّل حبك القاطر مليت اسطر جروحٍ شاب ساطرها
ياكثر من قال اني بالغلا شاطر هو مادرى اني رجيتك سيل قاطرها
ياصاحبي لا طرالي ثوبك العاطر يهون عندي غثى الدنيا وخواطرها
القلب فج الضلوع وجالك مخاطر والكبد قو الصبر والبعد فاطرها
اما تسولف سوالف تشرح الخاطر ولا تكب السوالف لجل خاطرها
كل شي عادي .. ولكن غلطة الشاطر تبقا مع الناس وتبقا بقلب شاطرها
لساك فاكر
كان الوعد باكر وانا جيت باكر شايل معي موعد وماضي وتذكار
قلت الحقيقه لموعدك دوم ذاكر القلب كنه يتنظر لك على نار
قالت بلهجه غير ( لسّاك فاكر ) تضحك .. وانا واقف وانا شبه منهار
بغيت اقول .. وقالت : بصوت ناكر ( اصلا انا مذكر معك موعد ٍ صار )
قلت اسمعي مني وانا اكون شاكر انا اللذي حطيت لك باب واجدار
واليوم يوم اصبح وراك العساكر رفعتي راسك فوق بهتان وانكار !!!
قالت وهي تضحك على اسلوب ماكر ( صدقت انا اضحك معك ياشمعة الدار )
قلت الحقيقه واضحه إبلا تذاكر ماكل منهو زل يلقا له اعذار
وانتي نسيتيني وانا كنت فاكر اني بجي ويكون طعم اللقا حار
لكن وعد مني اذا عشت باكر ماعاد لك موعد وماضي وتذكار