الزفة هو ذلك الوقت الذي تنتظره كل فتاة ، لتطل بذلك الثوب الأبيض الذي تحلم به منذ أن كانت صغيرة ، تلك اللحظات التي تجمعها مع فارس أحلامها الذي طالما انتظرته و تمنت ان تكمل حياتها معه ، و هناك العديد من الأغاني و الأناشيد التي تقال في تلك الاوقات و منها بعض الاغاني التي تقال بدون موسيقى.
اغاني زفة بدون موسيقى
من وهج ذيك الثريا
من وهج ذيك الثريا دام ممشـاك الغيـوم
انزلي عالارض نور كل ما قـرّب يزيـد
القمر بيدك وتمسك طرحتك اربع نجـوم
والكواكب تكتبك يا (العروس) اجمـل قصيـد
اقبلي وانتِ جمالك كوم والعالم في كـوم
في مساءٍ لجل عينك يرفل بثـوبٍ جديـد
واشرقي مثل السعاده لا ضوت قلب الهموم
او مثل فجرٍ صباحه للخلايق يـوم عيـد
اشهد ان اليوم يسوا من غلاتك الف يـوم
كيف لا وانتِ أميرة هالمسا وانـتِ اكيـد
(العروس) اللي يغني حولها الورد ويحـوم
والعطر يعلن شذاها للأماكـن مـن بعيـد
دامك الله بالغلا والعز يـا بنـت القـروم
في حما الغالي (ابو العروس) يا عسى عمره مديد
الشهم راعي المعاني والمراجل والعـزوم
الرزين اللي بياض الوجه بأفعاله تشيـر
يا إله الكون يللي له نصلي ولـه نصـوم
احفظ القلبين واجعل بيتهم بيـتٍ سعيـد
وأسألك تسعد (العريس) بالفرح والخيـر دوم
في حنايا (بنت عمه) والغـلا دايـم يزيـد
من وهج ذيك الثريا دام ممشـاك الغيـوم
انزلي عالارض نور كل ما قـرّب يزيـد
القمر بيدك وتمسك طرحتك اربع نجـوم
والكواكب تكتبك يا (العروس)اجمـل قصيـد
حياك ربي يا ضيا الحفل حياك
يا (اسم العروس) منتي مثل باقي الحور
قلوبنا ترقص على دقة اخــطاك
و الملـــــح كله والحــــلا فيك منثـــور
لك بســمـــة لامن بدت من شفايـاك
يجبر بها الخـاطر ليا صار مكسور
ولك ضحكة لا وخـرت عن ثنايــاك
تسحر غلا قلب ن من العام مسحـور
ولك نظرة لا صوتت للغلا جــــــاك
لو دونك جبال ومسافات وبحـــــور
اللي مدح لو قال ما قال ما اوفــــاك
واللي تكلم فيك مسكين مقهـــــــــور
و للحاســــد اللي بالغـــــرور يتبـلاك
قولي طبيعي كل مزيون مغرور
ما لــوم شعر ما كمل في مزايـــــاك
وبيت تعذر عن وصايفـك معـــذور
و (اسم العريس) اللي ينتظر يــوم لقيــاك
دقايقه ساعـــات وايامه شهـــــــور
يفرح بشوفك يا الغلا و يتحــــراك
فرحة ربيع بآخر الوسم ممطــــــور
له قلب ما يدري وش الحب لولاك
وله عين يغنيها وجودك عن النـور
يفــداك يا سيــــد المزاييــن يفــــداك
قلب تعلق فيك ما رد له شـــــــور
وجده على حطة يمينه بيمنـــــاك
وجد الضرير اللي يبي شوفة النـور
عسا (اسم العريس) يقضي العمر وياك
يا (اسم العروس) في بيت بالحب مغمور
ممشاها حرير
افرشي يا ارض ممشاها حرير
دام هذي الليله من احلى الليال
يكفي خطوة( العروس) من فوقك تسير
منهو قدك شايله كل هالجمال
هذي ليله ومثلها ماضن يصير
لافي واقع لا ولاحتى خيال
القمر فيها ضوى وجه الاثير
والنجوم الليله تعلن احتفال
يامساء الحب والحسن المثير
ابحضور اللي حوت احلى الخصال
من جمالن كمله قلب كبير
ومن كمال ن كمله طيب ودلال
مهما قال الشعر فيها مو كثير
واشهد انه ماكذب يوم انه قال
من صفاها يستحي ماي الغدير
من كثر مافيها عفه واعتدال
ربي يملا عمرها حب ن وخير
ويا (العريس) زوجها زين الرجال
الاصيل الغالي والبدر المنير
ياللي كمل نص دينه بالحلال
قصيدة يعجز التعبير
في حضرة هالجمال اللي أمامه يعجز التعبير
سبحت أعمق بحور الشعر واوزانه وتفعيله
طلعت ومامعي كلمـه تناسب هالملامح غير
ياسبحان اللي صور هالحسن وابدع تفاصيله
يا(العروس) لا تلومين القصيد ان حسْ بالتقصير
وش يزيد الثنا كله عيونن مابها حيلـــــــه
وانتي ياأعذب من الماء وضحكاتك صباح الخير
ودلالك وين ماقبلتي ياحي ترابن يشيلـــــه
حضورك يحبس الانفاس وزينك مايبي تفسير
لان الصمت قدام الجمال ابلغ تعاليلــــــــــــه
خلقك الله آيه من نعومه وروعة التصوير
وميز وجهك بنورن سناهي وهج الشيلـــــه
رزينه والحياء زادك يا(العروس) حشمه وتقدير
وظلك لا خطف عالورد من الفرحه يغنيلـــه
وأسمك من غلاة اسمك الامنه انذكر شيصير
يطيح اللؤلؤ المنقى على الورد واكاليلـــــه
يصونك ربي ل (العريس) اللي من غلاه الكل يدعي له
ويسعدكم الاهي عد مالبوه بالتكبــــــــــــير
مــن يــقـــول
مـن يــقول الشمــس ماتشبة أحــــــد وإن الـــحلا محدن مـلكة خـــــاتم بيـديه
من يقول العجايب ماغير هالسبعة ابد الخبر عند أهل العروس محــاسين الوجــية
وعند اهل العريس اللي تعنوا للســـعــــد وعند الحظور لي قالوا هذا الحفل لازم نجية
بالمختصر عند اللي حلاها فاق وصفك يالشهد ويـــاهلا ومـرحبا بغلى حظور نرتجية
جونا على الموعد والفرحة تكتمل في هالوعد حظورنا حظوركم هذا هو اللي نبية
مـن صــميــم الـقـلـب
من صميم القلب قلت احلى القوافي
اتفنن في حروف اروع قصيده
للعروس اللي زهت ثوب الزفافي
)اسم العروس) في حسنها صارت فريده
اسمها ( اسم العروس) والاسم كافي
كل كلمة تنكتب فيها جديدة
)اسم العروس) بالزين طلت والعفافي
شيء ما يحصى و لا نقدر نجيده
كامله ومكمله بكل الاوصافي
الذهب مازادها ..لا هي تزيده
وجهها كالبدر فيه النور صافي
زينها غير ..و ملامحها فريده
جوهرة ما مرت الا بحلم غافي
والاحلام بشوفها صارت اكيده
الحسن بوصوفها بين و خافي
ياعسى ايامها دايم سعيده
من لمحها قال يا الله يامعافي