نادي النصر هو من أعرق أندية كرة القدم في المملكة، حيث يلقب بين مشجعيه بالعالمي، نظرا لمشاركته وتمثيله لقارة آسيا في أول كأس العالم للأندية، وقد فاز أيضا بلقب كأس السوبر الآسيوية في عام 1998 .
ولأنه نادي عريق فهناك الكثير من أبيات الشعر والقصائد القصيرة، في حب نادي النصر ، من مشجعيه الكبار ، ولذلك نقدم مجموعة من هذه الأشعار في مقال اليوم .
شعر عن نادي النصر
يا نصر أهواك
للشاعر… محمد بن محسن العتيبي
يا نصر يانادي البطولات نهواك
يالأصفر البراق نادي المشاهير
وش ينبغى باللعب يانصر لولاك
لولاك ماجينا الملاعب طوابير
محبتك تفرض علينا ممشاك
أن كنت يالعليا وان كنت في غير
ياللي من أول ماحد يلحق خطاك
تحصد نقاط الفوز لا جيت وتطير
بنجومك اللي لا أبتدى اللعب تفداك
اللي يجيبون الفرح للجاهير
وشلون يا ماجد تبي الناس تنساك
مادام غيرك ما قدر يكمل السير
هذي حقيقه ماتخفى لشرواك
وإليا أعترفنا بالحقيقة مناعير
محد يسوي بالملاعب سواياك
قبل الشبك حاورت حتى المواصير
لكن عسى من جابك يجيب حلياك
ويظهر لنا في نادي النصر تغيير
حتى نعيد أمجاد نصر تحداك
ياللي إليا عاد النصر منت بالخير
ونقول يالنصر البطل لا عدمناك
أنا اشهد أنه ماحصل منك تقصير
القصيدة الثانية اللون الأصفر للشاعر… أحمد محمد العبيدالله
أحب الأصفر للنصر لون وشعار
واللون الأصفر نور شمس وضية
في كل يوم لي مع النصر تذكار
نوره بعيني كل صبح وعشية
شمس وذهب غالي من كل معيار
لذة عيون اللي عيونه شقية
يا مرحبا ياللي على كل الأقطار
نجمك تعلا للنجوم العلية
في كل حين لك مع الفوز مشوار
كن الظفر بينك وبينه وصية
تسلم لنا يانادي العز وأن جار
ياعالمي وأكثر من العالمية
القصيدة الثالثة يا نصر للشاعر… متعب الحشيان
يانصر حبك تزايد مع غلاك
عالمي بين النوادي يانصر
أمتزج اصفرك مع زرقة سماك
لونك الأصفر على مد البصر
والله أنك غير يالنصر بحلاك
أحتكرت الحب في هذا العصر
تمتع الأنظار روعة مستواك
والوفاء صمم لجمهورك قصر
سر وحنا يالنصر دايم وراك
في الشدايد والفرح بالمختصر
لا هوى يطرب بصدق إلا هواك
ومن وفاء بالحب يبتل ماقصر
لا بهى بعدك سوى واهج بهاك
ولغرامك يا نصر دايم أصر
يا قصيدة عشق ابو خالد قراك
لين قال بمن حضر هذا النصر
القصيدة الرابعة شعاع الشمس للشاعرة … سارا خجا
حنا شعاع الشمس .. جينا نعيش اليوم
جينا نعيد الأمس .. جينا بأعلى صوت
نشدي بعشق الشمس ..
نرفع راية مجدنا .. لنا الفخر .. العالمي هو نصرنا
ماهمنا .. من قال عنا وأفترى .. ولمعاندة ولجرحة .. سعى
شمسنا لا ماتغيب .. توصل لاخر مدى
كل الرجالات العظيمة .. من يوم يومك يانصر
مانرضى حنا بالهزيمة .. وبالختام لازم ننتصر
البطولات بفنكم تتكلم .. شوف المهارات وتعلم
روح التنافس عالية .. لجل الكؤوس الغالية
يالنصر محلاك .. لون الذهب غطاك
أمجادنا من أجدادنا .. لين جت لأحفادنا
لنا الفخر ..
العالمي هو عزنا .. هو نصرنا ..
أميرنا .. رمز الوفاء .. صانك ووفاك .. وكفى
حقق أمانينا .. حبيبنا .. عضيدنا .. فقيدنا
يا أرض نجدي .. وأشهدي .. بأرواحنا له نفتدي
حتى الفخر والعز والشرف .. لشيخ النوادي تهتدي
شدوا عزيمتهم رجالك .. والكل يتغنى بجمالك
شعارنا .. بعيوننا .. بقلوننا ..
وبفضل ربي نستمر .. ونضل أسياد العصر
نرفع راية مجدنا .. لنا الفخر العالمي هو نصرنا
رمز بلادي للشاعر … ماجد عثمان الخلف
للنصر قيمة غير كل النوادي
بالفن وصل سمعتة للبرازيل
جمهوره يهواه بشكل غير عادي
حب النصر ياناس بكى رجاجيل
قلبي يحبه ماعشق أي نادي
من وين ماراح ألحقة دون تعطيل
وسط المدرج بأسمه أهتف وأنادي
مع كل هجمه أنتظر منه تسجيل
العالمي حبي ومصدر عنادي
حبه بدون اسباب وبدون تعليل
غنيت لأجله وصرت بالحب شادي
يانصر أحبك جعل دربك تساهيل
اسمك ترى بالذات ماهو بعادي الفارس اللي بنجد سوى تهاويل
أهواه ثم أهواه ويشهد فؤادي
بكل لهجه بكل وصف وتفاصيل
يبقى النصر شامخ ورمز لبلادي
حالة غريبة مالها اي تحليل
يكفي النصر أنه قبل هالنوادي
أول سعودي راح يم البرازيل