هو الشاعر الغنائي الأمير خالد بن يزيد بن عبدالله بن عبدالرحمن آل سعود -رحمه الله- ولد و تربى في أحضان المملكة ، وهو واحد من أفضل شعراء المملكة ، و تغنى كبار المطربين بأشعاره و من بينهم المطرب محمد عبده ، و قد أشار محمد عبده إلى عذوبة شعر الأمير خالد بن يزيد و ذكره قائلًا “لن أنسى الأمير ، و لن أنسى القصائد التي منحني إياها” ، و أشهر الأغاني التي قام المطرب محمد عبده بغنائها و كانت من تأليف الأمير هي قصيدة” ليلة خميس” و قصيدة “أحلى من العقد لباسه” ، و ظل الكثير من المطربين ينشدون أغانيه لسنوات طويلة .
قصيدة شمس الصبح :
نامت عيون الليل … وعيوني أسهرت
حتى عيوني عن عيوني … مادرت
هيمان ناسي الوقت ..واحد وحدتي
لين ان شمس الصبح .. فزت وأظهرت
برقت فيها … قمت أناجي من جديد
قامت وملت .. حيل من حكيي وسرت
ليه الدجي والصبح .. في مفرق طريق
ياما احترى الدنيا .. ولامرة احترت
عادات هاالايام مثل الماء الزلال
ياقابض المويه … من ايدينك جرت
نشرى هنا الدنيا ..باللي نستطيع
وتبيعنا الأيام … مايوم اشترت
قصيدة بقايا الملامح :
اجرح ضيا عيني وخلد عما الرمش
صورتك أو باقي بقايا الملامح
امر علي وانهى وان قلت لى امش
امشي على اهدابي وانا حيل رايح
كنك منامي ليا حضن عيني الرمش
حتى خطاك أنساه وأصبر واسامح
ريع دخيل الله ياصاح لاتمش
قلبي وفكري في هواك بمذابح
قصيدة برقع الصمت :
ناظر بعيني .. وشف وشلون اشوفك
اتعرف وشلون الغلا .. والموده
اولات الحب … رغباتك وخوفك
والشعور اللي .. تهابه .. ماترده
حسرةٍ لي صارت .. احراسة اظروفك
كل درب يمة العاشق .. تسده
الخيال .. الخصب لامن جا نكوفك
صوب من تهوى دخيل الله .. وده
ارسله مندوب من لمسة .. اكفوفك
يمسح ادموع الذى.. دمعه بخده
او لي امن الحيا .. مارى كسوفك
برقع الصمت المدوي عنك .. اشده
ياحسين الخلق .. ياتارف وصوفك
مد حبل الود للمجروح مده
قصيدة لاتشره على :
اشره على عيني .. إلامابكت
ولامن بكت عيني .. فلاتشره علي
ياما دقايق وقت – من نفسي حكت
ولامن شكاني الوقت .. لاتشره علي
ياما الحكي في شفتي … تاه وسكت
ولامن سكت حكيي .. فلا تشره علي
وياما دموعي .. رغم حبي لك حكت
ولامن حكي دمعي … فلا تشره علي
وياما السنين اللي مضت فينا أشبكت
ويوم أشبكت .. عمري فلا تشره علي
من شانك أهمومي على قلبي ارتكت
لو ابكي أهمومي ..فلا تشره علي
قصيدة زهر البساتين :
مابين هزلك ياحبيبي وجدي
متعه خيال … وجنة للمحبين
لو التقي وياك .. في حلم ..وردي
أكحل الدنيا … برهر البساتين
بامسح عن العبرات … عيني بيدي
وأخلي الدمعه … بعيده عن العين
عشان لو ببكي … وأبيح بسدي
يكون في نفسي ولاالناس دراين
اشكي لقلبي كل ماكان عندي
واضحك بنفس الوقت .. والكل لاهين
لاصار حبك .. هو ملاذي .. مردي
لو ماتجي هالحين .. للوقت بعدين
قصيدة ضيا الشمس :
كل .. ماكفن ضيا الشمس .. العشا
كل مافي الجوف .. زلزل واستهاض
من نشدني قلت انا والله حشا ماتكدر خافقي
سو .. بي .. ماردت .. وافعل ماتشا
ماعلى حكمك .. ابد والله اعتراض
قبل اعرفك .. حبك بقلبي نشا
ويوم شفتك حطم اضلوع ..اعراض
ماقدرت اكميه في خافي .. الحشا
التجا .. ياعزوتي .. العيني وفاض
واختلف دمعي على الخد وغشا
… بين أشياء نصفها محض .. افتراض
بعضي لبعضي .. على بعضي وشا
وشوشه هتان لورود .. الفياض
قصيدة آه :
آه رمش العين من طيف سري
عاتب جفوني .. وحرمها الكرى
وابتدت تسهر على رمش الليالي
صرت مدري عقب طيفك .. وش جرى
ابتدى التغيير يظهر في حياتي
أشعر أن الكون حولي يسهري
كل مالي عنك أشعر بالغريب
أن قلبي … يابعد قلبي ..وري
وأشعر أن الليل … ماهو بس ليل
مع خيالك عمر .. ماعمره سرى
وأشعر أن الوقت من غيري ضياع
يامجدد كل … جرح لابرى
أنت ميلاد الهوى … عمر الهوى
عيد ميلاد .. الثرياء والثرى
آه طيفك كيف .. سوى ياحبيب
الكرى .. لو هو الكرى .. عاف الكرى
قصيدة تعالي :
تعالي .. امس وخل نقعد إلى اليوم
ولاجا الوعد باكر نجي في وعدنا
نبي الوصل ياصاحبي .. دايم الدوم
مافيه يوم نقول فيه ابتعدنا
حتى لو بسبات .. تقبل مع النوم
حلمٍ .. يضم ارواحنا في جسدنا
الحب به معطي .. وبه شخص محروم
ابي أنا وياك .. نحيا سعدنا
ماهمني لو عقبها قيل مرحوم
حنا .. وجدنا الحب ثم انوجدنا
حنا جعلنا .. للهوى .. عرف وسلوم
ما دام من نهر الهوى .. قد وردنا